Plantun de Prouvènço

Pèr coumpara dos planto d'encò nostre

Polygala chamaebuxus & Ranunculus aconitifolius

Polygala chamaebuxus

Polygalaceae

Noms en français : Faux Buis, Polygala faux buis.

Descripcioun :
Lou lachié-faus-bouis trachis en mountagno, sus cauquié, souto li pin-gavot e li sapino. Es eisa de recounèisse emé si flour di dos coulour, blanco e jauno e si fueio alterno que dounon d'èr à-n-aquésti dóu bouis. Flouris au bout di ramo e pièi, cado annado, fai quàuqui fueio verdo après la flourido (fotò).

Usanço :
Soun bessai li meme que l'erbo-dóu-la, Polygala vulgaris. Escriéure au site se n'en sabès mai.

Port : Erbo
Taio : 5 à 20 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Polygala
Famiho : Polygalaceae

Coulour de la flour : Blanco Jauno
Petalo : irreguliero
Ø (o loungour) flour : 10 à 15 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à setèmbre

Liò : Pinedo - Sapiniero
Estànci : Mountagnard à Subaupen
Couroulougi : Ouroufito-Sud-Éuroupènco
Ref. sc. : Polygala chamaebuxus L., 1753

Ranouncle(-di-fueio-d'acounit)

Ranunculus aconitifolius

Ranunculaceae

Nom en français : Renoncule à feuilles d'aconit.

Descripcioun :
Aquéu ranouncle trachis en mountagno sus sòu séusous. Se recounèis à si flour blanco e si fueio di proun divisado que dounon d'èr à li de l'acounit vo encaro estranglo-loup. Proche dóu ranouncle-di-fueio-de-platano se n'en destrìo majamen dóu poun de vist ecoulougi : Ranunculus aconitifolius trachis en ribo d'aigo e dins li prado à rousèu (magafourbié) alor que Ranunculus platanifolius vèn bèn dins li bos fre e li prado umido. Coumpara emé lou ranouncle-di-fueio-de-platano que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 200 à 2400 m
Aparado : Noun
Mai à juliet

Liò : Ribiero - Prado à rousèu
Estànci : Mountagnard à Subaupen
Couroulougi : Ouroufito-Éuroupenco
Ref. sc. : Ranunculus aconitifolius L., 1753 (= Ranunculus aconitifolius subsp. aconitifolius L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polygala chamaebuxus & Ranunculus aconitifolius

ges

Coumpara Lachié(-faus-bouis) emé uno autro planto

Coumpara Ranouncle(-di-fueio-d'acounit) emé uno autro planto